नाशिक महानगरपालिका शिक्षण विभागाची शाळा महानगरपालिका शाळा क्रमांक 22 ध्रुवनगर या सातपूर विभागातील शाळेचे मुख्याध्यापक सोनजी महादू गवळी यांना नुकताच लायन्स क्लब ऑफ नाशिक स्मार्ट सिटीजन या संस्थेकडून आदर्श शिक्षक पुरस्काराने सन्मानित करण्यात आले.सोनजी गवळी हे नाशिक महानगरपालिका शिक्षण विभागातील एक ज्येष्ठ मुख्याध्यापक असून त्यांनी महानगरपालिका शाळा क्रमांक 22 धृवनगर या शाळेमध्ये रुजू झाल्यापासून अनेक उपक्रम आपल्या मार्गदर्शनाखाली यशस्वी केलेले आहेत.ते एम ए डी एड असून त्यांची एकूण सेवा ही ३४ वर्षे होत आहे.
हे ही वाचा : जल्लोष ट्रेकिंग चा जल्लोष : जिंदगी ना मिले दुबारा
डिसेंबर 2022 मध्ये ते नाशिक महानगरपालिका शिक्षण विभागाच्या शाळा क्रमांक 22 मध्ये रुजू झाले.. शाळेमध्ये रुजू झाल्यानंतर त्यांनी शाळेमध्ये विविध भौतिक व तांत्रिक सुधारणा घडवून आणल्या.मुख्याध्यापक सोनजी गवळी हे पालक,विद्यार्थी व शिक्षक या तिन्ही घटकांशी नेहमी एकरूप असतात. त्यांना मार्गदर्शनाबरोबरच त्यांच्या समस्या सोडवण्याकडे त्यांचा नेहमी कल असतो.मुख्याध्यापक सोनजी गवळी यांनी शालेय परिसर या घटकाकडे अतिशय डोळसपणे पाहून तो व्यवस्थित कसा राहील याकडे अधिक लक्ष दिलेले आहे.विद्यार्थ्यांच्या गुणवत्तेकडे त्यांचे अधिक लक्ष असते. विद्यार्थ्यांची गुणवत्ता वाढावी, वाचन,लेखन गणन या मूलभूत क्रिया विद्यार्थ्यांना अवगत असणे किती महत्त्वाचे आहे ते नेहमी आपल्या मार्गदर्शनात सांगत असतात.
आजही व्यस्त दिनचर्येतून वेळ काढून ते विद्यार्थ्यांना मार्गदर्शन करत असतात.
दरवर्षी 5 सप्टेंबर हा शिक्षक दिन संपूर्ण भारत देशामध्ये मोठ्या उत्साहात साजरा करण्यात येतो.. यामुळे देशातील विविध संस्था शिक्षकांचे आपल्या देशातील पिढी घडवण्याचे महत्त्वाचे कार्य व विविध उल्लेखनीय कार्य विचारात घेऊन शिक्षकांना पुरस्काराच्या रूपाने सन्मान देण्यात येतो. त्याचाच एक भाग म्हणून लायन्स क्लब ऑफ नाशिक स्मार्ट सिटीजन या संस्थेकडून नाशिक महानगरपालिका शाळा क्रमांक 22 ध्रुवनगर चे मुख्याध्यापक सोनजी गवळी यांना आदर्श शिक्षक पुरस्कार प्रदान करण्यात आला.
सोनची गवळी यांना लायन्स क्लब ऑफ नाशिक स्मार्ट सिटीजन कडून मिळालेल्या आदर्श पुरस्कारानंतर त्यांचा इतर स्तरातून सुद्धा सत्कार करण्यात येत आहेत. महानगरपालिका शाळा क्रमांक 22 धृवनगर च्या सर्व शिक्षक वृंदा कडून ही त्यांचा सत्कार करण्यात आला.इयत्ता चौथी व पाचवीच्या विद्यार्थ्याकडून सुद्धा सोनजी गवळी यांचा सत्कार करण्यात आला.
लायन्स क्लब ऑफ नाशिक स्मार्ट सिटीजन कडून आयोजित करण्यात आलेला शिक्षक गौरव सोहळा मंगळवार 24 सप्टेंबर 2024 रोजी संध्याकाळी 7 वाजता हॉटेल राजवाडी थाळी, वेद मंदिर शेजारी, तिडके कॉलनी, त्र्यंबक रोड नाशिक या ठिकाणी पार पडला.या कार्यक्रमाला प्रेसिडेंट राजेंद्र कोठावदे, सेक्रेटरी योगेश नेरकर, खजिनदार रामचंद्र जोशी, संस्थापक अध्यक्ष जयंत येवला इत्यादी मान्यवर उपस्थित होते. या मान्यवरांच्या उपस्थितीत पुरस्कार सोहळा पार पडला.
