Anganvadi: राज्यात शाळांशी लिंक होणार 1 लाखाहून अधिक अंगणवाडी केंद्र याविषयी सविस्तर माहिती
Table of Contents
लाखाहून अधिक अंगणवाड्या शालेय विभागापासून अलिप्त होत्या. परंतु आता या अंगणवाड्या प्राथमिक शाळांसोबत जोडले जाणार आहे. प्रामुख्याने नव्या शिक्षण धोरणानुसार तीन ते सहा वर्ष वयोगटातील विद्यार्थ्यांकडे लक्ष देणे त्यांच्या शिक्षणात बदल करणे. शिक्षण मंत्रालयाने व महिला बाल विकास मंत्रालयाने एकत्र येऊन पाऊल उचलत संबंधित यंत्रणांना कार्यवाहीच्या लेखी सूचना केल्या आहेत.
हे ही वाचा: प्रधानमंत्री पोषण शक्ती: योजनेंतर्गत प्रतिदिन प्रति लाभार्थी दरामध्ये सुधारणा
महाराष्ट्रामध्ये सध्या 10 लाख 525 अंगणवाडी केंद्र आहेत आणि 8 हजार 226 शाळा आहेत. त्यातील 79 हजार 158 शाळांमध्ये प्राथमिकचे वर्ग आहेत. आत्ता नव्या राष्ट्रीय धोरणाप्रमाणे शालेय शिक्षणामध्ये आकृतीबंध बदललेला आहे. पूर्व प्राथमिक शिक्षणाचे तीन वर्ग त्याचप्रमाणे इयत्ता पहिली व दुसरी असे पाच वर्ग मिळून पायाभूत शिक्षण हा स्तर निर्माण करण्यात आला आहे, परंतु सध्या महाराष्ट्रात पूर्व प्राथमिक शिक्षण देणाऱ्या अंगणवाड्या (Anganvadi) या महिला बालविकास विभागाच्या अखत्यारीत आहेत. या वरील सर्व कारणांमुळे पायाभूत स्तराचे शिक्षण देताना अनेक अडचणी येऊ शकतात.
या कारणामुळे अंगणवाड्या (Anganvadi) प्राथमिक शाळांना जोडण्याचा निर्णय घेण्यात आला आहे. केंद्रीय शिक्षण मंत्रालयाचे सचिव संजय कुमार व तसेच महिला बालविकास मंत्रालयाचे सचिव अनिल मलिक या दोघांनी महाराष्ट्राला संयुक्त पत्र पाठवले असून त्यात शाळा व अंगणवाडी यांना जोडण्याची सूचना देण्यात आली आहे.
हे ही वाचा: मुख्यमंत्री युवा कार्यप्रशिक्षण योजनेअंतर्गत प्रशिक्षण आयोजित !
प्राथमिक शाळांमधील शिक्षकांना तसेच अंगणवाडी सेविका यांना स्वतंत्र प्रशिक्षण देण्याची सूचना करण्यात आली आहे केंद्रीय शिक्षण मंत्रालय आणि महिला बालविकास खात्याचा समन्वय साधून एकत्र काम करण्याची निर्देश आहेत शिक्षण मंत्रालय तसेच महिला बाल विकास या दोन्ही विभागांमध्ये समन्वय राखण्यासाठी संपूर्ण जबाबदारी स्वतंत्र जिल्हा परिषदेच्या मुख्य कार्यकारी अधिकाऱ्यांवर येणार आहे.
जिल्हा आणि अंगणवाडी (Anganvadi) केंद्र
सोलापूर : 4735, ठाणे : 3541, वर्धा : 1627, वाशीम : 1266, यवतमाळ : 3029, एकूण महाराष्ट्र: 1,10,525 हिंगोली : 1197, जळगाव : 3944, जालना: 2190, कोल्हापूर : 4422, लातूर 2593, मुंबई शहर: 926, मुंबई उपनगर : 4221, अहिल्यानगर : 5905, अकोला: 1564, अमरावती: 3189, छत्रपती संभाजीनगर: 3839, बीड: 3273, भंडारा: 1417, पुणे : 6091, रायगड : 3389, रत्नागिरी: 2970, सांगली: 3107, सातारा : 4926, सिंधुदुर्ग : 1539, नागपूर : 3404, नांदेड : 4165, नंदूरबार : 2563, नाशिक: 5699, पालघर : 3352,बुलडाणा : 2971, चंद्रपूर: 2962, धाराशिव: 2049, धुळे: 2328, गडचिरोली : 2386, गोंदिया : 1902
हे ही वाचा: नाशिक महानगरपालिका स्तरीय विज्ञान प्रदर्शनास उपस्थित राहण्याचे आवाहन !
प्रयत्न सुरू चार वर्षांपूर्वीच
महाराष्ट्र मध्ये ज्या वेळेस नवे शिक्षण धोरण आले त्यावेळेस अंगणवाड्यांचे शाळांची लिंकिंग करण्यासाठी प्रयत्न सुरू झाले होते. मार्च 2021 मध्ये तत्कालीन शिक्षण सचिव वंदना कृष्णा यांनी सर्व जिल्हा परिषदांना याबाबत सूचना दिल्या होत्या परंतु सरकारी वकुबानुसार हे लिंकिंग अजूनही झालेले नाही. परंतु आत्ता हे केंद्रातूनच पत्र आल्याने या कामाला नव्या सत्राच्या सुरुवातीलाच वेग वाढण्याची शक्यता दिसून येते. अंगणवाडी केंद्र शाळांना जोडले गेले तर पहिल्या वर्गात दाखल होणारे विद्यार्थी शिकण्यासाठी पूर्णपणे तयार अवस्थेत मिळेल असा दावा प्रशासनाचा आहे.
हे ही वाचा: UPS योजना होणार लागू 1 एप्रिल पासून
शिक्षकांसारखे प्रशिक्षण अंगणवाडी सेविकांना
अंगणवाडी केंद्र आणि शाळा एकमेकांना जोडल्यानंतर शिक्षकांप्रमाणे अंगणवाडी सेविकांना देखील सेवांतर्गत प्रशिक्षण दिले जाणार आहे. एससीईआरटी (SCERT) आणि डायटच्या माध्यमातून हे प्रशिक्षण होणार आहे. समग्र शिक्षा अभियानातील विविध योजना शाळांप्रमाणे अंगणवाडी केंद्रालाही लागू करण्यात येतील. पूरक अध्यापन-अध्ययन साहित्य अंगणवाडी (Anganvadi) केंद्रांना पुरवले जाणार आहे.
