शैक्षणिक सहली बाबत शासनाचे जोखमीचे परिपत्रक काय सांगते ?

January 8, 2024

शैक्षणिक सहली बाबत शासनाचे जोखमीचे परिपत्रक काय सांगते ? शिक्षण उपसंचालक पुणे परिपत्रक जाहीर केले आहे या विषयी सविस्तर माहिती.

शिक्षण उपसंचालक पुणे यांच्या मार्फत परिपत्रक जाहीर करण्यात आले आहे. विद्यार्थ्याचा अपघात होऊ शकतो अशा ठिकाणी, त्यांच्या जीवाला धोका निर्माण होईल अशा ठिकाणी सहल नेण्यासाठी प्रतिबंध केलेले आहेत.

अबेदा इनामदार, पुणे या महाविद्यालयाची 1 फेब्रुवारी 2016 रोजी मुरुड-जंजिरा या ठिकाणी सहल गेली होती. सहलीच्या दरम्यान १३ विद्यार्थ्यांचा समुद्रात बुडून मृत्यू झाला होता. या पार्श्वभूमीवर शासनाने असा निर्णय घेतला आहे की, प्राथमिक, माध्यमिक, व उच्च माध्यमिक शाळेच्या सहली काढताना शासनाच्या परिपत्रकातील नियमावलीचे तंतोतंत पालन करावे.

हे ही वाचा: सकाळ चित्रकला स्पर्धेत सहभागी व्हा. या तारखेला स्पर्धा

ही माहिती प्राचार्य, मुख्याध्यापक पुणे विभागातील सर्व माध्यमांच्या सर्व व्यवस्थापनाच्या शाळा आणि कनिष्ठ महाविद्यालय यांना कळविण्यात यावे.

खालील प्रमाणे दक्षता घ्यावी असे शासनाने घोषित केले आहे.

विद्यालयाने शैक्षणिक सहलीचे आयोजन समुद्राचे बीज, अतिजोखमीचे ठिकाण, नदी,तलाव,विहीर तसेच उंच टेकड्या इत्यादी ठिकाणी करू नये.

विद्यालयाने विद्यार्थ्यांची शैक्षणिक सहल नेण्यापूर्वी दोन प्रशिक्षित शिक्षकांच्या मार्गदर्शनाखाली सहलीबाबत माहिती आणि आपत्कालीन परिस्थिती उद्भवण्यास बचाव करण्याबाबत विद्यार्थ्यांना प्रशिक्षण द्यावे.

विद्यार्थ्यांना सहलीसाठी नेण्यात येणार असेल तर सोबतीला प्रथमोपचार पेटी ठेवावी आणि स्थानिक डॉक्टर व ज्या ठिकाणी सहल चालली आहे तेथे शासकीय रुग्णालयांचे नंबर हे सोबतीला ठेवावेत.

सहलीचे नियोजन करताना शाळेतील शिक्षकांनी सहलीचा आराखडा हा पालकांपर्यंत पोहोचवावा. पालकांनी दिलेल्या सूचनांचेही थोडा विचार करावा व गरज असल्यास पालक सभेचा एक प्रतिनिधी सोबतीला घ्यावा.

हे ही वाचा: PCMC : पिंपरी चिंचवड महानगरपालिकेत भरती सुरू|

सहलीला जाण्यापूर्वी विद्यार्थ्यांच्या पालकांकडून संमती पत्र घेणे आवश्यक आहे.

सहलीचे नवीन अपडेट ठिकाण निश्चित झाल्यानंतर संबंधित ठिकाणाचा भौगोलिक वातावरणानुसार विद्यार्थ्यांना कोणती काळजी घ्यायला हवी त्याचबरोबर प्रथमोपचार इत्यादींबाबत शिक्षकांनी विद्यार्थ्यांना सखोल मार्गदर्शन करावे.